Сардэчна запрашаем Вас наведаць адкрыцьцё выставы "Мастацтва супраць дыктатуры".

Супольнасьць "Трэці Шлях" і Беларускі Музэй у Нью Ёрку ў супрацоўніцтве з Камісіяй Бясьпекі і Каапэрацыі ў Эўропе (Амэрыканская Хэльсінская Камісія) і Нямецкім Фондам Маршала ў Злучаных Штатах Амэрыкі адкрыюць выставу "Мастацтва супраць дыктатуры" у панядзелак 23-га лістапада ўвечары а палове на сёмую (6.30 р.м.) у фае Rayburn House Office Building - аднаго з будынкаў амэрыканскага Кангрэсу.

Сярод выступоўцаў на мерапрыемстве будуць Павел Марозаў - старшыня Кангрэсу Новай Беларускай дыяспары ў Эўропе ды ЗША і беларускі дэсыдэнт, прадстаўнікі Амэрыканскай Хэльсінскай камісіі, прадстаўнікі Беларускай дыяспары ў ЗША і Беларускага Музэю ў Нью Ёрку, Анастасіас Сарыкас - добра вядомы адвакат, які падтрымлівае беларускі мастацкі рух, беларускія мастакі Алесь Шатэрнік, Ягор Батальёнак, беларуска мастакі, які жывуць у ЗША - Алена Тылькіна і Юлія Шатэрнік. Таксама на выставе будуць паказаны відэа і фотаздымкі, адлюстроўваючыя сёняшнюю сытуацыю ў Беларусі.

Дыктатура Аляксандра Лукашэнкі за апошнія 14 гадоў прывяла да істотнай маргіналізацыі беларускай наыянальнай культуры і мастацтва. Тыя мастакі, хто спрабаваў выказаць сваю волю праз мову мастацтва, падвяргаліся бесперапыннаму перасьледу з боку ўладаў, усялякімі шляхамі падаўлялася іх актыўнасьць, рабіліся спробы маргіналізаваць іх творчасьць.

"Мастацтва супраць дыктатуры" прадстаўляе карціны і скульптуры самых вядомых беларускіх мастакоў-дысыдэнтаў і ў тым ліку магчымасьці альтэрнатыўнага мастацтва, якія з'яўляюцца неад'емнай часткай беларускай нацыянальнай культуры, але якія па палітычных прычынах не змаглі ў поўнай меры служыць народу Беларусі.

Выстава дае ўнікальную магчымасьць пазнаёміцца з сучасным беларускім мастацтвам, якое ў цяперашні час не прэзентавана анідзе ў сваёй разнастайнасьці.

Выстава і яе адкрыцьцё будзе праходзіць у фае Rayburn House Office Building (што ў двух кварталах ад станцыі мэтро Capitol South). Зьвяртаем увагу, што наведвальнікі мерапрыемства павінны ўваходзіць у будынак з боку South Capitol Street (уваход для наведвальнікаў і пэрсанала). 

Выстава будзе адкрыта для публікі у панядзелак 23-га лістапада з 3-х па поўдні да 9-ці гадзін увечары (3 p.m. - 9p.m.) і ў аўторак 24-га лістапада з 10-ці раніцы да 1-й гадзіны па поўдні (10 a.m. - 1 p.m.).
www.belmuseum.org